kitne dardon mein dawaon ki si tasir bhi hai

kitne dardoñ meñ davāoñ kī sī tāsīr bhī hai

tan ba-taqdīr hī rah jā ki ye tadbīr bhī hai

sun ke ik ḳhvāb hasīñ mere muabbir ne kahā

ye tirā ḳhvāb tire ḳhvāb kī ta.abīr bhī hai

mustavā apne liye kis ne kahā kaise chunā

isī duniyā meñ himāla bhī hai pāmīr bhī hai

vasl-e-mad.hosh-kunāñ se ġham-e-hijrāñ ḳhush-tar

ki tasavvur meñ hai tū bhī tirī tasvīr bhī hai

shoḳhī-e-husn ne chhoḌī na koī rāh-e-farār

ek hī saañs meñ inzār bhī tabshīr bhī hai

tum ḳhudā ko to nahīñ mānte lekin sāhab

laakh tadbīr karo taak meñ taqdīr bhī hai

dosh-e-sayyād ke tarkash se fazā sahm ga.ī

dekhtā kaun ki tarkash meñ koī tiir bhī hai

ye girah nāḳhun-e-tadbīr se khulne kī nahīñ

phir bhī naumīd na ho nāḳhun-e-shamshīr bhī hai

sulhullāh nahīñ jañg bhī fillāh nahīñ

na.ara-bāzāñ koī shabbar koī shabbīr bhī hai

ab to bas guzrī huī umr basar kartā huuñ

merī tanhā.ī ḳhamoshī bhī hai taqrīr bhī hai

ḳhud-kalāmī bhī na de saath agar muñh se kahūñ

ek andoh jo gahrā bhī hai gambhīr bhī hai

imtihāñ hai ki sazā aur sazā hai jo ye umr

kitnī taqsīr hai yā sach koī taqsīr bhī hai

isī bait-e-nabavī ke fuqarā ham bhī haiñ

ḳhuld bhī jis ke liye āya-e-tat.hīr bhī hai

ham ne bāzār-e-jadīdāñ meñ bahut din DhūñDā

koī 'ġhālib' bhī hai 'iqbāl' bhī hai 'mīr' bhī hai

kitne dardon mein dawaon ki si tasir bhi hai

tan ba-taqdir hi rah ja ki ye tadbir bhi hai

sun ke ek KHwab hasin mere muabbir ne kaha

ye tera KHwab tere KHwab ki tabir bhi hai

mustawa apne liye kis ne kaha kaise chuna

isi duniya mein himala bhi hai pamir bhi hai

wasl-e-madhosh-kunan se gham-e-hijran KHush-tar

ki tasawwur mein hai tu bhi teri taswir bhi hai

shoKHi-e-husn ne chhoDi na koi rah-e-farar

ek hi sans mein inzar bhi tabshir bhi hai

tum KHuda ko to nahin mante lekin sahab

lakh tadbir karo tak mein taqdir bhi hai

dosh-e-sayyaad ke tarkash se faza sahm gai

dekhta kaun ki tarkash mein koi tir bhi hai

ye girah naKHun-e-tadbir se khulne ki nahin

phir bhi naumid na ho naKHun-e-shamshir bhi hai

sulhullah nahin jang bhi fillah nahin

nara-bazan koi shabbar koi shabbir bhi hai

ab to bas guzri hui umr basar karta hun

meri tanhai KHamoshi bhi hai taqrir bhi hai

KHud-kalami bhi na de sath agar munh se kahun

ek andoh jo gahra bhi hai gambhir bhi hai

imtihan hai ki saza aur saza hai jo ye umr

kitni taqsir hai ya sach koi taqsir bhi hai

isi bait-e-nabawi ke fuqara hum bhi hain

KHuld bhi jis ke liye aaya-e-tathir bhi hai

hum ne bazar-e-jadidan mein bahut din DhunDa

koi 'ghaalib' bhi hai 'iqbaal' bhi hai 'mir' bhi hai