kitne hasin KHwab haqiqat-pasand hain

kitne hasīn ḳhvāb haqīqat-pasand haiñ

kitne tasavvurāt nigāhoñ meñ band haiñ

apnī nazar se koī hameñ kyā girā.egā

ham ahl-e-dard apnī nazar meñ buland haiñ

kuchh to batā.iye sabab-e-dil-giraftagī

bazm-e-vafā meñ aaj bhī ham jaise chand haiñ

kitnī kashā-kashoñ se rahā sābiqa magar

apnī ravish pe aaj bhī ham kār-band haiñ

arbāb-e-ishq ko bhī hai dīvāngī pe naaz

hone do ahl-e-husn agar aql-mand haiñ

hai aaj bazm-e-shauq meñ ḳhushbū basī huī

phūloñ se kis ke gūñdhe hue bāzū-band haiñ

'nayyar' bayān-e-dard se kuchh fā.eda nahīñ

ye ahl-e-bazm itne kahāñ dard-mañd haiñ

kitne hasin KHwab haqiqat-pasand hain

kitne tasawwuraat nigahon mein band hain

apni nazar se koi hamein kya giraega

hum ahl-e-dard apni nazar mein buland hain

kuchh to bataiye sabab-e-dil-giraftagi

bazm-e-wafa mein aaj bhi hum jaise chand hain

kitni kasha-kashon se raha sabiqa magar

apni rawish pe aaj bhi hum kar-band hain

arbab-e-ishq ko bhi hai diwangi pe naz

hone do ahl-e-husn agar aql-mand hain

hai aaj bazm-e-shauq mein KHushbu basi hui

phulon se kis ke gundhe hue bazu-band hain

'nayyar' bayan-e-dard se kuchh faeda nahin

ye ahl-e-bazm itne kahan dard-mand hain