kitne KHwab TuTe hain kitne chand gahnae
kitne ḳhvāb TuuTe haiñ kitne chāñd gahnā.e
jo raqīb-e-zulmat ho ab vo āftāb aa.e
dushmanoñ ko apnāyā dostoñ ke ġham khaa.e
phir bhī ajnabī Thahre phir bhī ġhair kahlā.e
nā-ḳhudā kī niyyat kā khul gayā bharam to kyā
baat jab hai kashtī bhī Dūbne se bach jaa.e
hādse bhī barseñge zalzale bhī ā.eñge
ye safar qayāmat hai tum kahāñ chale aa.e
phuul phuul barham hai ḳhaar ḳhaar dushman hai
ham 'mujīb' gulshan se lau lagā ke pachhtā.e
kitne KHwab TuTe hain kitne chand gahnae
jo raqib-e-zulmat ho ab wo aaftab aae
dushmanon ko apnaya doston ke gham khae
phir bhi ajnabi Thahre phir bhi ghair kahlae
na-KHuda ki niyyat ka khul gaya bharam to kya
baat jab hai kashti bhi Dubne se bach jae
hadse bhi barsenge zalzale bhi aaenge
ye safar qayamat hai tum kahan chale aae
phul phul barham hai KHar KHar dushman hai
hum 'mujib' gulshan se lau laga ke pachhtae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
