kitne sawal kitne jawabon ko oDh kar

kitne savāl kitne javāboñ ko oḌh kar

sotā huuñ maiñ sukūn se ḳhvāboñ ko oḌh kar

sach-much maiñ so gayā ki ye ġhaflat kī niiñd thī

dariyā kī chāhatoñ meñ sarāboñ ko oḌh kar

kāñToñ kī thī chubhan jo mujhe niiñd aa ga.ī

sote haiñ log kaise gulāboñ ko oḌh kar

gar maqsad-e-hayāt samajh meñ na aa sakā

hāsil hī kyā ki so.uuñ kitāboñ ko oḌh kar

paale hue haiñ kitnī ġhalat-fahmiyoñ kā dard

dariyāoñ ko hai zo'm habāboñ ko oḌh kar

jab tajziya kiyā to ḳhasāre hī haath aa.e

baiThā huuñ zindagī ke hisāboñ ko oḌh kar

dar hai mu’āfiyoñ kā khulā maañg lo 'razā'

tum bhī to dafn hoge turāboñ ko oḌh kar

kitne sawal kitne jawabon ko oDh kar

sota hun main sukun se KHwabon ko oDh kar

sach-much main so gaya ki ye ghaflat ki nind thi

dariya ki chahaton mein sarabon ko oDh kar

kanTon ki thi chubhan jo mujhe nind aa gai

sote hain log kaise gulabon ko oDh kar

gar maqsad-e-hayat samajh mein na aa saka

hasil hi kya ki soun kitabon ko oDh kar

pale hue hain kitni ghalat-fahmiyon ka dard

dariyaon ko hai zo'm hababon ko oDh kar

jab tajziya kiya to KHasare hi hath aae

baiTha hun zindagi ke hisabon ko oDh kar

dar hai mu’afiyon ka khula mang lo 'raza'

tum bhi to dafn hoge turabon ko oDh kar