kitne ulfat ke amin hamil-e-gham niklenge
kitne ulfat ke amiiñ hāmil-e-ġham nikleñge
aadmī aise tirī bazm meñ kam nikleñge
juz tirī yaad ke zehnoñ meñ na hogā kuchh bhī
tere bande haiñ to is shaan se ham nikleñge
zabt-e-ġham tāb-e-nazar ham meñ rahegī qaa.em
kyoñ tirī bazm se bā-dīda-e-nam nikleñge
bahr-e-zulmat meñ umīdoñ kā safīna hai ravāñ
aur sāhil hī pe armānoñ ke dam nikleñge
be-ḳhudī kaam jo aa jā.egī apnī 'sābir'
sar jhukā.e hue patthar ke sanam nikleñge
kitne ulfat ke amin hamil-e-gham niklenge
aadmi aise teri bazm mein kam niklenge
juz teri yaad ke zehnon mein na hoga kuchh bhi
tere bande hain to is shan se hum niklenge
zabt-e-gham tab-e-nazar hum mein rahegi qaem
kyon teri bazm se ba-dida-e-nam niklenge
bahr-e-zulmat mein umidon ka safina hai rawan
aur sahil hi pe armanon ke dam niklenge
be-KHudi kaam jo aa jaegi apni 'sabir'
sar jhukae hue patthar ke sanam niklenge
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.