kitni hasin lagti hai chehron ki ye kitab
kitnī hasīn lagtī hai chehroñ kī ye kitāb
satroñ ke biich dekhiye phailā huā 'azāb
chīḳhoñ kā karb naġhmoñ ke sho'le varaq varaq
ehsās ban rahā hai javāñ dard kī kitāb
mīzān-e-dil meñ tauliye phūloñ se har umiid
lamhoñ meñ ghul rahā hai tamannāoñ kā shabāb
chehroñ pe aaj kitne naqāboñ kā bojh hai
zaḳhmī hai ā.inoñ ke samundar meñ har hijāb
ye zindagī hai sāyoñ kā bikhrā huā kafan
dasht-e-safar hai ḳhvāb kā phailā huā sarāb
kitni hasin lagti hai chehron ki ye kitab
satron ke bich dekhiye phaila hua 'azab
chiKHon ka karb naghmon ke sho'le waraq waraq
ehsas ban raha hai jawan dard ki kitab
mizan-e-dil mein tauliye phulon se har umid
lamhon mein ghul raha hai tamannaon ka shabab
chehron pe aaj kitne naqabon ka bojh hai
zaKHmi hai aainon ke samundar mein har hijab
ye zindagi hai sayon ka bikhra hua kafan
dasht-e-safar hai KHwab ka phaila hua sarab
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
