kiya jo ahd ki us se kabhi milun bhi nahin

kiyā jo 'ahd ki us se kabhī milūñ bhī nahīñ

khulā ye raaz ki us bin kahīñ sukūñ bhī nahīñ

vo paas aa.e to hote haiñ aur zaḳhm hare

vo duur jaa.e to dil ko qarār yuuñ bhī nahīñ

maiñ us ko paane kī ḳhātir thā be-sukūñ kitnā

ye kyā huā use kho kar maiñ be-sukūñ bhī nahīñ

rah-e-vafā meñ na ḳhuddāriyoñ ko Thes lage

vafā karūñ magar aise ki maiñ jhukūñ bhī nahīñ

ye aur baat nahīñ sū-e-zan kisī se mujhe

ye baat bhī hai ki mardum-shanās huuñ bhī nahīñ

laboñ pe muhr lagā dī hai aur sar-e-mahfil

vo chāhte haiñ ki ḳhāmosh maiñ rahūñ bhī nahīñ

gurez 'bazm' zarūrī hai iltifāt meñ bhī

ho rasm-o-rāh to had se kabhī baḌhūñ bhī nahīñ

kiya jo 'ahd ki us se kabhi milun bhi nahin

khula ye raaz ki us bin kahin sukun bhi nahin

wo pas aae to hote hain aur zaKHm hare

wo dur jae to dil ko qarar yun bhi nahin

main us ko pane ki KHatir tha be-sukun kitna

ye kya hua use kho kar main be-sukun bhi nahin

rah-e-wafa mein na KHuddariyon ko Thes lage

wafa karun magar aise ki main jhukun bhi nahin

ye aur baat nahin su-e-zan kisi se mujhe

ye baat bhi hai ki mardum-shanas hun bhi nahin

labon pe muhr laga di hai aur sar-e-mahfil

wo chahte hain ki KHamosh main rahun bhi nahin

gurez 'bazm' zaruri hai iltifat mein bhi

ho rasm-o-rah to had se kabhi baDhun bhi nahin