koh ke sine se aab-e-atashin lata koi

koh ke siine se āb-e-ātashīñ laatā koī

is navā-e-āgahī ko Duub kar gaatā koī

dekhtā mastī kā sañgam lab hai yā guftār hai

jaam se mere jo apnā jaam Takrātā koī

bādaloñ kī tarah aayā barq-āsā chal diyā

chāñd kī mānind shab bhar to Thahar jaatā koī

husn kā dil se ta.alluq dā.imī hai garm hai

varna kis kā kis se hai rishta koī naatā koī

māñgne ko maañg leñ ash.ār-e-ġham se dilkashī

mil nahīñ saktā hai un ko fikr sā daatā koī

nāzish-e-fardā mirā husn-e-taġhazzul hai 'hasan'

rañj hotā aaj gar kuchh qadr farmātā koī

koh ke sine se aab-e-atashin lata koi

is nawa-e-agahi ko Dub kar gata koi

dekhta masti ka sangam lab hai ya guftar hai

jam se mere jo apna jam Takraata koi

baadalon ki tarah aaya barq-asa chal diya

chand ki manind shab bhar to Thahar jata koi

husn ka dil se talluq daimi hai garm hai

warna kis ka kis se hai rishta koi nata koi

mangne ko mang len ashaar-e-gham se dilkashi

mil nahin sakta hai un ko fikr sa data koi

nazish-e-farda mera husn-e-taghazzul hai 'hasan'

ranj hota aaj gar kuchh qadr farmata koi