koi afsana-e-zindan sunata hai mujhe

koī afsāna-e-zindān sunātā hai mujhe

aur jiine kī tadābīr batātā hai mujhe

ek hī dukh hai ki dīvār se lag kar koī

ro.e jaatā hai mujhe ghūrtā jaatā hai mujhe

ek saaya hai mirā Dal ke kināre baiThā

aur har roz vo us paar bulātā hai mujhe

ye jo mausam kā chalan 'ain tire jaisā hai

ye to har roz tire ḳhvāb dikhātā hai mujhe

ranj-o-ālām kī tā'zīm mujhe aatī hai

us pe kahne kā salīqa bhī to aatā hai mujhe

vaqt se qabl vo aatā hai hamesha 'bāsit'

par batāne ko bahut der batātā hai mujhe

koi afsana-e-zindan sunata hai mujhe

aur jine ki tadabir batata hai mujhe

ek hi dukh hai ki diwar se lag kar koi

roe jata hai mujhe ghurta jata hai mujhe

ek saya hai mera Dal ke kinare baiTha

aur har roz wo us par bulata hai mujhe

ye jo mausam ka chalan 'ain tere jaisa hai

ye to har roz tere KHwab dikhata hai mujhe

ranj-o-alam ki ta'zim mujhe aati hai

us pe kahne ka saliqa bhi to aata hai mujhe

waqt se qabl wo aata hai hamesha 'basit'

par batane ko bahut der batata hai mujhe