koi bache bhi to kaise kamal hota hai

koī bache bhī to kaise kamāl hotā hai

jo ye laboñ pe tabassum kā jaal hotā hai

burā bhale ko kaho to bhī vo du'ā degā

burā bure ko kaho to vabāl hotā hai

kise paḌī hai jo har baat merī samjhegā

bas ek maañ hī hai jis ko ḳhayāl hotā hai

ye be-shu'ūr adīboñ kī bastiyāñ haiñ yahāñ

javāb dete hī phir se savāl hotā hai

jahāñ pe ḳhatm zarūrat huī yahī hogā

safar ke baa'd ticket kā jo haal hotā hai

nazar zamīn pe rakhnā yahīñ mileñge phir

bulandiyoñ ko bhī 'āsif' zavāl hotā hai

koi bache bhi to kaise kamal hota hai

jo ye labon pe tabassum ka jal hota hai

bura bhale ko kaho to bhi wo du'a dega

bura bure ko kaho to wabaal hota hai

kise paDi hai jo har baat meri samjhega

bas ek man hi hai jis ko KHayal hota hai

ye be-shu'ur adibon ki bastiyan hain yahan

jawab dete hi phir se sawal hota hai

jahan pe KHatm zarurat hui yahi hoga

safar ke ba'd ticket ka jo haal hota hai

nazar zamin pe rakhna yahin milenge phir

bulandiyon ko bhi 'asif' zawal hota hai