koi be-wajh kyun KHafa hoga

koī be-vaj.h kyuuñ ḳhafā hogā

kuchh to us ko burā lagā hogā

aage jā kar Thahar gayā hogā

vo mirī raah tak rahā hogā

chhoḌ aa.e the ham jalā ke jise

vo diyā kab kā bujh gayā hogā

jab vo āvāz tham ga.ī hogī

shab kā sannāTā boltā hogā

kaise ma.alūm ho ki āḳhir-e-vaqt

us ne kyā kuchh kahā-sunā hogā

kyuuñ havā tez abhī se chalne lagī

ġhuncha kam kam abhī khilā hogā

lahja us kā bhī kuchh thā apnā sā

vo bhī apne dayār kā hogā

pahlā sajda jahāñ kiyā thā vahīñ

āḳhirī sajda bhī adā hogā

ho na ho manzil aa ga.ī 'mohsin'

chand qaumoñ kā fāslā hogā

koi be-wajh kyun KHafa hoga

kuchh to us ko bura laga hoga

aage ja kar Thahar gaya hoga

wo meri rah tak raha hoga

chhoD aae the hum jala ke jise

wo diya kab ka bujh gaya hoga

jab wo aawaz tham gai hogi

shab ka sannaTa bolta hoga

kaise malum ho ki aaKHir-e-waqt

us ne kya kuchh kaha-suna hoga

kyun hawa tez abhi se chalne lagi

ghuncha kam kam abhi khila hoga

lahja us ka bhi kuchh tha apna sa

wo bhi apne dayar ka hoga

pahla sajda jahan kiya tha wahin

aaKHiri sajda bhi ada hoga

ho na ho manzil aa gai 'mohsin'

chand qaumon ka fasla hoga