koi dastak de raha hai khol darwaza abhi

koī dastak de rahā hai khol darvāza abhī

kam se kam aa jā.egī ghar meñ havā taaza abhī

be-hisī ne aaj tak baḳhshā nahīñ apnā shikār

qaum gar jaagī nahīñ bikhregā shīrāza abhī

kab na jaane shar kī koī zarb chehre par paḌe

ham ne mushkil se lagāyā amn kā ġhāza abhī

zalzala mismār kar saktā hai ye ūñche mahal

qudratī āfāt kā mushkil hai andāza abhī

zālimo mazlūm kī aaheñ dikhā.eñgī asar

tum agar samjhe nahīñ bhugtoge ḳhamyāza abhī

koi dastak de raha hai khol darwaza abhi

kam se kam aa jaegi ghar mein hawa taza abhi

be-hisi ne aaj tak baKHsha nahin apna shikar

qaum gar jagi nahin bikhrega shiraaza abhi

kab na jaane shar ki koi zarb chehre par paDe

hum ne mushkil se lagaya amn ka ghaza abhi

zalzala mismar kar sakta hai ye unche mahal

qudrati aafat ka mushkil hai andaza abhi

zalimo mazlum ki aahen dikhaengi asar

tum agar samjhe nahin bhugtoge KHamyaza abhi