koi diwana ek ik gam pe manzil mange

koī dīvāna ik ik gaam pe manzil māñge

zarre zarre se ayaañ jalva-e-mahmil māñge

kashti-e-dil mirī tūfān se sāhil māñge

zindagī karne ko har kaam vo mushkil māñge

hai karam terā ki baḳhshī hai mujhe chashm-e-ḳhirad

sham-e-ulfat bhī ilāhī ye mirā dil māñge

dil ki jaltā hai tirī yaad meñ mānind-e-charāġh

rashk-e-firdaus-e-barīñ phir vahī mahfil māñge

husn ko ġhāza-o-ārā.ish-e-kākul chāhe

ā.ina-sāz bhī ā.īna muqābil māñge

husn betāb hai ḳhud jalva-numā.ī ke liye

chashm-e-pur-shauq vo ai dil sar-e-mahfil māñge

jāñ-nisārī mirī be-misl hai lekin phir bhī

ishq kī mujh se nishānī mirā qātil māñge

aaj duniyā meñ mohabbat kā kahīñ naam nahīñ

koī batlā.e ki kyā aur mirā dil māñge

ishq kī raah ho tai yūñhī 'payāmī' ki raqīb

tere har naqsh-e-kaf-e-pā se vo manzil māñge

koi diwana ek ek gam pe manzil mange

zarre zarre se ayan jalwa-e-mahmil mange

kashti-e-dil meri tufan se sahil mange

zindagi karne ko har kaam wo mushkil mange

hai karam tera ki baKHshi hai mujhe chashm-e-KHirad

sham-e-ulfat bhi ilahi ye mera dil mange

dil ki jalta hai teri yaad mein manind-e-charagh

rashk-e-firdaus-e-barin phir wahi mahfil mange

husn ko ghaza-o-araish-e-kakul chahe

aaina-saz bhi aaina muqabil mange

husn betab hai KHud jalwa-numai ke liye

chashm-e-pur-shauq wo ai dil sar-e-mahfil mange

jaan-nisari meri be-misl hai lekin phir bhi

ishq ki mujh se nishani mera qatil mange

aaj duniya mein mohabbat ka kahin nam nahin

koi batlae ki kya aur mera dil mange

ishq ki rah ho tai yunhi 'payami' ki raqib

tere har naqsh-e-kaf-e-pa se wo manzil mange