koi diwar uThai na koi dar rakkha

koī dīvār uThā.ī na koī dar rakkhā

iiñT ko takiya kiyā ret ko bistar rakkhā

pahle āñkhoñ meñ tirā 'aks utārā maiñ ne

aur in āñkhoñ ko shīshe meñ sajā kar rakkhā

is se taskīn nahīñ hogā izāfa dukh meñ

dasht kā naam agar ham ne samandar rakkhā

phuul bhijvā.e kabhī she'r kiye naam tire

ham ne ai shaḳhs tujhe yaad hai aksar rakkhā

darmiyāñ apne faqat ruuh kī duurī bachī thī

ham ne phir bhī tire pahlū meñ nahīñ sar rakkhā

varna har aglā qadam pīchhe haTātā mujh ko

shukr-sad-shukr ki kuchh dhyān na ghar par rakkhā

mashvara chāhiye thā kal tire baare meñ mujhe

na milā koī to ā.īna barābar rakkhā

koi diwar uThai na koi dar rakkha

inT ko takiya kiya ret ko bistar rakkha

pahle aankhon mein tera 'aks utara main ne

aur in aankhon ko shishe mein saja kar rakkha

is se taskin nahin hoga izafa dukh mein

dasht ka nam agar hum ne samandar rakkha

phul bhijwae kabhi she'r kiye nam tere

hum ne ai shaKHs tujhe yaad hai aksar rakkha

darmiyan apne faqat ruh ki duri bachi thi

hum ne phir bhi tere pahlu mein nahin sar rakkha

warna har agla qadam pichhe haTata mujh ko

shukr-sad-shukr ki kuchh dhyan na ghar par rakkha

mashwara chahiye tha kal tere bare mein mujhe

na mila koi to aaina barabar rakkha