koi duniya mein aisa kaam karo

koī duniyā meñ aisā kaam karo

jis se ūñchā tum apnā naam karo

aaj kā kaam kal pe mat Taalo

kal jo karnā hai ab vo kaam karo

ham bhī insāñ haiñ tum bhī insāñ ho

yuuñ na insāñ kā qatl-e-ām karo

dushmanoñ ko kabhī burā na kaho

dosto dostī ko aam karo

sub.h hote hī ghar chale jaanā

aaj kī shab yahīñ qiyām karo

ye nishānī haiñ agle vaqtoñ kī

in buzurgoñ kā ehtirām karo

is se barbād vaqt hotā hai

ham se va.ade na sub.h-o-shām karo

shaiḳh jī mai-kade meñ aate haiñ

mai-kasho uTTho ehtirām karo

koi duniya mein aisa kaam karo

jis se uncha tum apna nam karo

aaj ka kaam kal pe mat Talo

kal jo karna hai ab wo kaam karo

hum bhi insan hain tum bhi insan ho

yun na insan ka qatl-e-am karo

dushmanon ko kabhi bura na kaho

dosto dosti ko aam karo

subh hote hi ghar chale jaana

aaj ki shab yahin qiyam karo

ye nishani hain agle waqton ki

in buzurgon ka ehtiram karo

is se barbaad waqt hota hai

hum se wade na subh-o-sham karo

shaiKH ji mai-kade mein aate hain

mai-kasho uTTho ehtiram karo