koi ghaalib jaanta hai koi KHaqani mujhe

koī 'ġhālib' jāntā hai koī 'ḳhāqānī' mujhe

haa.e duniyā kaise pahchānī jo pahchānī mujhe

tai kiyā hai ik ġhazal kahnī hai rūmānī mujhe

aur phir sab she'r bhī kahne haiñ zū-mā'nī mujhe

jugnuoñ se chāhtā huuñ shams jaisī raushnī

mahv-e-hairat dekhtī hai merī nādānī mujhe

maiñ ġhazal se aur ġhazal rakhtī hai mujh se apne dukh

raat kī raanī ko maiñ huuñ raat kī raanī mujhe

chāñd sūraj kar liye tasḳhīr is ke bāvajūd

haa.e ab tak bhī na aa.ī chashm-e-gul-ḳhvānī mujhe

jo hadīs-e-‘ishq un āñkhoñ meñ hotī haiñ raqam

un kī 'tāhir' kis tarah tafsīr farmānī mujhe

koi 'ghaalib' jaanta hai koi 'KHaqani' mujhe

hae duniya kaise pahchani jo pahchani mujhe

tai kiya hai ek ghazal kahni hai rumani mujhe

aur phir sab she'r bhi kahne hain zu-ma'ni mujhe

jugnuon se chahta hun shams jaisi raushni

mahw-e-hairat dekhti hai meri nadani mujhe

main ghazal se aur ghazal rakhti hai mujh se apne dukh

raat ki rani ko main hun raat ki rani mujhe

chand suraj kar liye tasKHir is ke bawajud

hae ab tak bhi na aai chashm-e-gul-KHwani mujhe

jo hadis-e-‘ishq un aankhon mein hoti hain raqam

un ki 'tahir' kis tarah tafsir farmani mujhe