koi jitna hai tarahdar kahan dekhti hai

koī jitnā hai tarahdār kahāñ dekhtī hai

maut āñkheñ lab-o-ruḳhsār kahāñ dekhtī hai

kaaT detī hai use sāmne aa.e jo bhī

sar kisī kā bhī ho talvār kahāñ dekhtī hai

bhuuk oḌhe hue phirtī hai ye maarī maarī

muflisī raunaq-e-bāzār kahāñ dekhtī hai

pesh-e-manzar ko hī hairat se faqat taktī hai

aañkh varna pas-e-dīvār kahāñ dekhtī hai

phūloñ kaliyoñ ko shaqāvat se kuchal detī hai

bād-e-sarsar gul-o-gulzār kahāñ dekhtī hai

hañste chehroñ pe nazar rakhtī hai be-dil duniyā

jo bhī hai ruuh kā āzār kahāñ dekhtī hai

dā.era kartī hai har haal meñ puurā lekin

zad hai kis kis pe ye parkār kahāñ dekhtī hai

ab to īmān-faroshoñ pe hai qaa.em bastī

kaun hai sāhib-e-kirdār kahāñ dekhtī hai

koi jitna hai tarahdar kahan dekhti hai

maut aankhen lab-o-ruKHsar kahan dekhti hai

kaT deti hai use samne aae jo bhi

sar kisi ka bhi ho talwar kahan dekhti hai

bhuk oDhe hue phirti hai ye mari mari

muflisi raunaq-e-bazar kahan dekhti hai

pesh-e-manzar ko hi hairat se faqat takti hai

aankh warna pas-e-diwar kahan dekhti hai

phulon kaliyon ko shaqawat se kuchal deti hai

baad-e-sarsar gul-o-gulzar kahan dekhti hai

hanste chehron pe nazar rakhti hai be-dil duniya

jo bhi hai ruh ka aazar kahan dekhti hai

daera karti hai har haal mein pura lekin

zad hai kis kis pe ye parkar kahan dekhti hai

ab to iman-faroshon pe hai qaem basti

kaun hai sahib-e-kirdar kahan dekhti hai