koi kami zarur thi tera karam na mil saka

koī kamī zarūr thī terā karam na mil sakā

chhoḌ diyā sanam-kada phir bhī haram na mil sakā

ham ko bhī thī ye aarzū chalte kisī ke saath saath

log to kitne hī mile jazb-e-baham na mil sakā

ye bhī hai apnī hī ḳhatā dil meñ koī nahīñ bachā

sham.a koī na jal sakī koī sanam na mil sakā

vaqt ke mīr-o-shahryār darpa-e-jāñ haiñ is liye

apne huzūr kyoñ unheñ sar mirā ḳham na mil sakā

daar pe khīñch kar mujhe us ko kahāñ sukūñ magar

is se baḌā koī use aur sitam na mil sakā

'az.har'-e-ḳhasta-jāñ kisī dasht kī ab tū raah le

chāragaroñ ke shahr meñ chāra-e-ġham na mil sakā

koi kami zarur thi tera karam na mil saka

chhoD diya sanam-kada phir bhi haram na mil saka

hum ko bhi thi ye aarzu chalte kisi ke sath sath

log to kitne hi mile jazb-e-baham na mil saka

ye bhi hai apni hi KHata dil mein koi nahin bacha

shama koi na jal saki koi sanam na mil saka

waqt ke mir-o-shahryar darpa-e-jaan hain is liye

apne huzur kyon unhen sar mera KHam na mil saka

dar pe khinch kar mujhe us ko kahan sukun magar

is se baDa koi use aur sitam na mil saka

'azhar'-e-KHasta-jaan kisi dasht ki ab tu rah le

chaaragaron ke shahr mein chaara-e-gham na mil saka