koi kitna bhi kahe shad nahin hota hai

koī kitnā bhī kahe shaad nahīñ hotā hai

ik luTā dil kabhī ābād nahīñ hotā hai

paidā hote haiñ faqat ishq kī ḳhātir do chaar

har koī majnūñ yā farhād nahīñ hotā hai

hotā aaya hai sadā zaḳhm hī pahle ījād

pahle marham kabhī ījād nahīñ hotā hai

zindagī apnā sabaq aur zarā mushkil kar

ham ko āsān sabaq yaad nahīñ hotā hai

ab har ik baat pe hotā hai faqat vā'da-va'īd

ab kisī baat pe samvād nahīñ hotā hai

kaise us shaḳhs pe la.anat nahīñ bheje koī

ishq kar ke bhī jo barbād nahīñ hotā hai

aise jallād se hai asl meñ ḳhatra sab ko

apne peshe se jo jallād nahīñ hotā hai

ham mohabbat bhalā kyā ḳhaak kareñge jaanā

ham se to kuchh bhī tire baad nahīñ hotā hai

paḌh lo tārīḳh jo ik baar huā mulk ġhulām

phir vo āsānī se āzād nahīñ hotā hai

koi kitna bhi kahe shad nahin hota hai

ek luTa dil kabhi aabaad nahin hota hai

paida hote hain faqat ishq ki KHatir do chaar

har koi majnun ya farhad nahin hota hai

hota aaya hai sada zaKHm hi pahle ijad

pahle marham kabhi ijad nahin hota hai

zindagi apna sabaq aur zara mushkil kar

hum ko aasan sabaq yaad nahin hota hai

ab har ek baat pe hota hai faqat wa'da-wa'id

ab kisi baat pe samwad nahin hota hai

kaise us shaKHs pe lanat nahin bheje koi

ishq kar ke bhi jo barbaad nahin hota hai

aise jallad se hai asl mein KHatra sab ko

apne peshe se jo jallad nahin hota hai

hum mohabbat bhala kya KHak karenge jaana

hum se to kuchh bhi tere baad nahin hota hai

paDh lo tariKH jo ek bar hua mulk ghulam

phir wo aasani se aazad nahin hota hai