koi manzar kisi manzar se mila tha ki na tha

koī manzar kisī manzar se milā thā ki na thā

koī mausam kisī mausam se judā thā ki na thā

tere aane se chalī aa.ī hai gulshan meñ bahār

tujh se pahle bhī koī kaam huā thā ki na thā

tū ne jo kuchh bhī kahā is meñ anā thī ki na thī

ye batā de ye mohabbat meñ ravā thā ki na thā

zaḳhm bātoñ ke huā karte haiñ gahre aksar

ai mirī jaan tujhe is kā pata thā ki na thā

apnī jholī meñ liye phirtā huuñ ehsān tire

yaad to kar tujhe pahle bhī kahā thā ki na thā

haa.e kis moḌ pe le aayā hai sadiyoñ kā safar

sochtā huuñ maiñ kabhī ghar se chalā thā ki na thā

chhoḌiye is ko 'na'īm' aur kahāñ tak khīñcheñ

us kī vo jaane use pās-e-vafā thā ki na thā

koi manzar kisi manzar se mila tha ki na tha

koi mausam kisi mausam se juda tha ki na tha

tere aane se chali aai hai gulshan mein bahaar

tujh se pahle bhi koi kaam hua tha ki na tha

tu ne jo kuchh bhi kaha is mein ana thi ki na thi

ye bata de ye mohabbat mein rawa tha ki na tha

zaKHm baaton ke hua karte hain gahre aksar

ai meri jaan tujhe is ka pata tha ki na tha

apni jholi mein liye phirta hun ehsan tere

yaad to kar tujhe pahle bhi kaha tha ki na tha

hae kis moD pe le aaya hai sadiyon ka safar

sochta hun main kabhi ghar se chala tha ki na tha

chhoDiye is ko 'na'im' aur kahan tak khinchen

us ki wo jaane use pas-e-wafa tha ki na tha