koi mausam ho nazar sud-o-ziyan jaanti hai

koī mausam ho nazar sūd-o-ziyāñ jāntī hai

baat jo dil meñ hai beTī ke vo maañ jāntī hai

muddateñ chāhiyeñ kyā huuñ maiñ samajhne ke liye

ye havā aur ye fazā mujh ko kahāñ jāntī hai

terī niyyat tirā manshā tirī fitrat ma.alūm

aañkh merī tirī nazroñ kī zabāñ jāntī hai

zinda zehnoñ se guzārish hai bujhā.eñ varna

aag nafrat kī ġharīboñ ke makāñ jāntī hai

mausam-e-gul hai nigāhoñ meñ na rut sāvan kī

aaj kī nasl to aag aur dhuāñ jāntī hai

merī nas nas meñ jo tahlīl huī jaatī hai

paas baiThī huī laḌkī ye kahāñ jāntī hai

koī paḌhtā hai baḌe shauq se 'sāqī' ko paḌhe

saarī duniyā mirā andāz-e-bayāñ jāntī hai

koi mausam ho nazar sud-o-ziyan jaanti hai

baat jo dil mein hai beTi ke wo man jaanti hai

muddaten chahiyen kya hun main samajhne ke liye

ye hawa aur ye faza mujh ko kahan jaanti hai

teri niyyat tera mansha teri fitrat malum

aankh meri teri nazron ki zaban jaanti hai

zinda zehnon se guzarish hai bujhaen warna

aag nafrat ki gharibon ke makan jaanti hai

mausam-e-gul hai nigahon mein na rut sawan ki

aaj ki nasl to aag aur dhuan jaanti hai

meri nas nas mein jo tahlil hui jati hai

pas baiThi hui laDki ye kahan jaanti hai

koi paDhta hai baDe shauq se 'saqi' ko paDhe

sari duniya mera andaz-e-bayan jaanti hai