koi mera imam tha hi nahin

koī merā imaam thā hī nahīñ

maiñ kisī kā ġhulām thā hī nahīñ

tum kahāñ se ye but uThā laa.e

is kahānī meñ raam thā hī nahīñ

jis qadar shor-e-āb-o-gil thā yahāñ

us qadar ehtimām thā hī nahīñ

is liye saadh lī thī chup maiñ ne

is se behtar kalām thā hī nahīñ

ham ne us vaqt bhī mohabbat kī

jab mohabbat kā naam thā hī nahīñ

tū kahāñ rāste meñ aa ga.ī hai

zindagī tujh se kaam thā hī nahīñ

vaqt ne lā khaḌā kiyā us jā

jo hamārā maqām thā hī nahīñ

is liye ḳhaas kar diyā gayā ishq

aam logoñ kā kaam thā hī nahīñ

koi mera imam tha hi nahin

main kisi ka ghulam tha hi nahin

tum kahan se ye but uTha lae

is kahani mein ram tha hi nahin

jis qadar shor-e-ab-o-gil tha yahan

us qadar ehtimam tha hi nahin

is liye sadh li thi chup main ne

is se behtar kalam tha hi nahin

hum ne us waqt bhi mohabbat ki

jab mohabbat ka nam tha hi nahin

tu kahan raste mein aa gai hai

zindagi tujh se kaam tha hi nahin

waqt ne la khaDa kiya us ja

jo hamara maqam tha hi nahin

is liye KHas kar diya gaya ishq

aam logon ka kaam tha hi nahin