koi naqsh kashi-o-kaba na tha

koī naqsh kāshī-o-kā'ba na thā

mire dil meñ jab tak 'aqīda na thā

har ik gaam par ek manzil sī thī

mire sāmne koī rasta na thā

tasavvur meñ bhī thī kiran aas kī

añdherā mukammal añdherā na thā

use jab bhī dekhā to aisā lagā

ki jaise kabhī us ko dekhā na thā

gunāhoñ kī pādāsh bhī ziist thī

faqat nekiyoñ hī kā samra na thā

use har nazar dekh paatī kahāñ

tajallī thī vo ik tamāshā na thā

isī zid meñ bas vo pilāte ga.e

ki pī pī ke 'jagdīsh' bahkā na thā

koi naqsh kashi-o-ka'ba na tha

mere dil mein jab tak 'aqida na tha

har ek gam par ek manzil si thi

mere samne koi rasta na tha

tasawwur mein bhi thi kiran aas ki

andhera mukammal andhera na tha

use jab bhi dekha to aisa laga

ki jaise kabhi us ko dekha na tha

gunahon ki padash bhi zist thi

faqat nekiyon hi ka samra na tha

use har nazar dekh pati kahan

tajalli thi wo ek tamasha na tha

isi zid mein bas wo pilate gae

ki pi pi ke 'jagdish' bahka na tha