koi qafiya na mila saka koi wazn hi ko gira gaya

koī qāfiya na milā sakā koī vazn hī ko girā gayā

maiñ to us zamīn kī huuñ ġhazal jise phir kabhī na kahā gayā

use rok luuñ mire paas ab na koī bhī aisā kamāl hai

mujhe naaz thā mire ishq par vo yaqīñ hilā ke chalā gayā

karūñ shukriya bhī adā tirā mujhe rañj hai ye na ho sakā

mirī ḳhūbiyāñ to dikhā.īñ sab mire aib saare chhupā gayā

kabhī uḌ sakūñ maiñ falak pe bhī na ho Dar mujhe kisī baat kā

kiyā ḳhatm yuuñ mirā ḳhauf sab mirā hausla vo baḌhā gayā

mire shahr terī fasīl par jo likhī huī thiiñ kahāniyāñ

hai gila mujhe unhīñ vaqt kā jo azaab thā vo miTā gayā

na tū kah use yuuñ burā-bhalā jo chalā gayā hameñ chhoḌ kar

jo kabhī bhulā.e na jā sakeñ vo sabaq bhī ham ko sikhā gayā

mujhe āftāb ko dekh kar huā rañj kitnā ki dhund meñ

vo chamak jo thī use kis liye vo jahāñ meñ ham pe luTā gayā

jise duur kar ke 'sujīt' tū yūñhī bhāgtā jo rahā sadā

na adiib thā na habīb thā tujhe aa.ina jo dikhā gayā

koi qafiya na mila saka koi wazn hi ko gira gaya

main to us zamin ki hun ghazal jise phir kabhi na kaha gaya

use rok lun mere pas ab na koi bhi aisa kamal hai

mujhe naz tha mere ishq par wo yaqin hila ke chala gaya

karun shukriya bhi ada tera mujhe ranj hai ye na ho saka

meri KHubiyan to dikhain sab mere aib sare chhupa gaya

kabhi uD sakun main falak pe bhi na ho Dar mujhe kisi baat ka

kiya KHatm yun mera KHauf sab mera hausla wo baDha gaya

mere shahr teri fasil par jo likhi hui thin kahaniyan

hai gila mujhe unhin waqt ka jo azab tha wo miTa gaya

na tu kah use yun bura-bhala jo chala gaya hamein chhoD kar

jo kabhi bhulae na ja saken wo sabaq bhi hum ko sikha gaya

mujhe aaftab ko dekh kar hua ranj kitna ki dhund mein

wo chamak jo thi use kis liye wo jahan mein hum pe luTa gaya

jise dur kar ke 'sujit' tu yunhi bhagta jo raha sada

na adib tha na habib tha tujhe aaina jo dikha gaya