koi raste ka patthar ban gaya hai

koī raste kā patthar ban gayā hai

bichhaḌnā hī muqaddar ban gayā hai

jahāñ bichhḌe the ham ik baar mil ke

kisī kā us jagah ghar ban gayā hai

use karnā thī beTī kī hifāzat

sipāhī se vo lashkar ban gayā hai

mire dil ne bahut jhele haiñ sadme

ab is dīvār meñ dar ban gayā hai

tirā lahja hai zahrīlā kuchh itnā

tirā har lafz nashtar ban gayā hai

ravānī āñsuoñ kī kah rahī hai

jo dariyā thā samundar ban gayā hai

yahāñ fōtpath par gaz bhar kā raqba

kisī muflis kā bistar ban gayā hai

tire ruḳhsār par jis vaqt Dhalkā

vo ik aañsū bhī gauhar ban gayā hai

koi raste ka patthar ban gaya hai

bichhaDna hi muqaddar ban gaya hai

jahan bichhDe the hum ek bar mil ke

kisi ka us jagah ghar ban gaya hai

use karna thi beTi ki hifazat

sipahi se wo lashkar ban gaya hai

mere dil ne bahut jhele hain sadme

ab is diwar mein dar ban gaya hai

tera lahja hai zahrila kuchh itna

tera har lafz nashtar ban gaya hai

rawani aansuon ki kah rahi hai

jo dariya tha samundar ban gaya hai

yahan footpath par gaz bhar ka raqba

kisi muflis ka bistar ban gaya hai

tere ruKHsar par jis waqt Dhalka

wo ek aansu bhi gauhar ban gaya hai