koi ret raqs mein mast thi ki hawa chali thi surur se

koī ret raqs meñ mast thī ki havā chalī thī surūr se

tire zāviye pe hī ghūmtā huā aa gayā koī duur se

tujhe itne paas se dekh le koī ahl hai na ye sahl hai

kabhī jism ghultā hai aag meñ kabhī aañkh jaltī hai nuur se

mujhe koī fikr-e-fanā bhī kyā maiñ to jāntā huuñ baqā hai kyā

tujhe DhūñDne se nahīñ milā maiñ ne pā liyā hai shu'ūr se

koī aur mujh meñ hunar na thā mujhe bandagī ne baḌā kiyā

use shahnshāh ne bhī rad kiyā vo bharā huā thā ġhurūr se

mire kārī-gar tire bas meñ hai ye hayāt bhī ye mamāt bhī

tirī kun se hai mirī ibtidā mirī intihā tire suur se

na hī koī naġhma na saaz bhī na hī zindagī kā javāz bhī

to kyā miT gayā hai 'shīrāz' bhī tirī dāstāñ kī sutūr se

koi ret raqs mein mast thi ki hawa chali thi surur se

tere zawiye pe hi ghumta hua aa gaya koi dur se

tujhe itne pas se dekh le koi ahl hai na ye sahl hai

kabhi jism ghulta hai aag mein kabhi aankh jalti hai nur se

mujhe koi fikr-e-fana bhi kya main to jaanta hun baqa hai kya

tujhe DhunDne se nahin mila main ne pa liya hai shu'ur se

koi aur mujh mein hunar na tha mujhe bandagi ne baDa kiya

use shahnshah ne bhi rad kiya wo bhara hua tha ghurur se

mere kari-gar tere bas mein hai ye hayat bhi ye mamat bhi

teri kun se hai meri ibtida meri intiha tere sur se

na hi koi naghma na saz bhi na hi zindagi ka jawaz bhi

to kya miT gaya hai 'shiraaz' bhi teri dastan ki sutur se