koi shikwa na shikayat na gila rakkha hai

koī shikva na shikāyat na gila rakkhā hai

terī mahfil meñ yahī pās-e-vafā rakkhā hai

na to dastār hai sar par na qabā jism pe hai

shaiḳh jī aap ne kyā haal banā rakkhā hai

ab to aa jā.iye yaañ majma.a-e-rindāñ ke qarīb

shaam hī se dar-e-mai-ḳhāna sajā rakkhā hai

muntazir aap ke sab jām-ba-kaf baiThe haiñ

aap ke naam kā ik jaam uThā rakkhā hai

is ḳharābe se ḳharābī kā tasavvur hai gunāh

pārsā.ī kā bharam us ne sivā rakkhā hai

chakh bhī liije ki nikal jaa.e zarā hasrat-e-mai

dil meñ maanā ki bahut ḳhauf-e-ḳhudā rakkhā hai

le chalegā taraf-e-dasht-e-balā shauq-navard

kyā kaheñ durd-e-tah-e-jām meñ kyā rakkhā hai

koi shikwa na shikayat na gila rakkha hai

teri mahfil mein yahi pas-e-wafa rakkha hai

na to dastar hai sar par na qaba jism pe hai

shaiKH ji aap ne kya haal bana rakkha hai

ab to aa jaiye yan majma-e-rindan ke qarib

sham hi se dar-e-mai-KHana saja rakkha hai

muntazir aap ke sab jam-ba-kaf baiThe hain

aap ke nam ka ek jam uTha rakkha hai

is KHarabe se KHarabi ka tasawwur hai gunah

parsai ka bharam us ne siwa rakkha hai

chakh bhi lije ki nikal jae zara hasrat-e-mai

dil mein mana ki bahut KHauf-e-KHuda rakkha hai

le chalega taraf-e-dasht-e-bala shauq-naward

kya kahen durd-e-tah-e-jam mein kya rakkha hai