koi to dost mile koi gham-gusar mile

koī to dost mile koī ġham-gusār mile

hai be-qarār bahut dil ise qarār mile

ye kaisī bazm-e-tarab hai jahāñ mujhe aa kar

ḳhushī to koī nahīñ ġham magar hazār mile

pilā rahā huuñ lahū dil kā maiñ charāġhoñ ko

mire charāġhoñ ko sūraj kā e'tibār mile

vo kaisā daur-e-bahārāñ thā kaisā gulshan thā

jidhar bhī Daalī nazar maiñ ne mujh ko ḳhaar mile

tumhārā phuul sā chehra sadā rahe shādāb

ḳhizāñ ho merā muqaddar tumheñ bahār mile

diye haiñ vaqt ne aañsū bhī merī āñkhoñ ko

ḳhushī ke saath mujhe ġham bhī be-shumār mile

jafā-parast sitamgar mile 'qamar' mujh ko

koī zamāne meñ ab to vafā-shi'ār milā

koi to dost mile koi gham-gusar mile

hai be-qarar bahut dil ise qarar mile

ye kaisi bazm-e-tarab hai jahan mujhe aa kar

KHushi to koi nahin gham magar hazar mile

pila raha hun lahu dil ka main charaghon ko

mere charaghon ko suraj ka e'tibar mile

wo kaisa daur-e-bahaaran tha kaisa gulshan tha

jidhar bhi Dali nazar main ne mujh ko KHar mile

tumhaara phul sa chehra sada rahe shadab

KHizan ho mera muqaddar tumhein bahaar mile

diye hain waqt ne aansu bhi meri aankhon ko

KHushi ke sath mujhe gham bhi be-shumar mile

jafa-parast sitamgar mile 'qamar' mujh ko

koi zamane mein ab to wafa-shi'ar mila