koi to hai ki nae raste dikhae mujhe

koī to hai ki na.e rāste dikhā.e mujhe

havā ke dosh pe aa.e ġhazal sunā.e mujhe

kise ḳhabar hai ki jiitā huuñ jāgtā huuñ maiñ

vo ek shaḳhs har ik moḌ par bachā.e mujhe

larazte paañv bhī mere asā-ba-dast bhī maiñ

vo bāzuoñ pe uThā.e kabhī chalā.e mujhe

hai us ke naam kī maalā mire laboñ kā subū

maiñ us ko sher sunā.ūñ vo gungunā.e mujhe

vo aa.ina hai to aks-e-sahr huuñ maiñ lekin

vo apne aap ko dekhe kabhī sajā.e mujhe

dukhoñ ke sard nivāle ġhamoñ kī garm zabāñ

hañsī hañsī meñ chhupā.e kabhī dikhā.e mujhe

koi to hai ki nae raste dikhae mujhe

hawa ke dosh pe aae ghazal sunae mujhe

kise KHabar hai ki jita hun jagta hun main

wo ek shaKHs har ek moD par bachae mujhe

larazte panw bhi mere asa-ba-dast bhi main

wo bazuon pe uThae kabhi chalae mujhe

hai us ke nam ki mala mere labon ka subu

main us ko sher sunaun wo gungunae mujhe

wo aaina hai to aks-e-sahr hun main lekin

wo apne aap ko dekhe kabhi sajae mujhe

dukhon ke sard niwale ghamon ki garm zaban

hansi hansi mein chhupae kabhi dikhae mujhe