koi to kahe baat qafas mein gul-e-tar ki

koī to kahe baat qafas meñ gul-e-tar kī

ham ne to gulistāñ meñ bhī kāñToñ pe basar kī

āñkhoñ meñ alaav se dahakte haiñ shab-o-roz

dil khol ke ro.e haiñ na bharpūr nazar kī

gulchīñ bhī tahī-dast hai sayyād bhī hairāñ

kyā dhuum bahāroñ meñ machī sho.abda-gar kī

dāman hī nahīñ aaj sarāpā hai darīda

sau zaḳhm uThā.e haiñ jo ik baar nazar kī

ye zaḳhm huā misr ke bāzār kā yūsuf

qīmat nā paḌegī yahāñ kuchh arz-e-hunar kī

is peḌ kā ai sang-zano phal to uThāo

ab bhī pas-e-dīvār hai raunaq mire ghar kī

tum raat kī ġhhambīr siyāhī meñ ghule ho

kab phuul khilā.e kahīñ tā.īd-e-sahar kī

raunaq bhī ga.ī dil kā bharam bhī gayā 'sarmad'

ab to yahāñ Dastī huī vahshat hai khañDar kī

koi to kahe baat qafas mein gul-e-tar ki

hum ne to gulistan mein bhi kanTon pe basar ki

aankhon mein alaw se dahakte hain shab-o-roz

dil khol ke roe hain na bharpur nazar ki

gulchin bhi tahi-dast hai sayyaad bhi hairan

kya dhum bahaaron mein machi shoabda-gar ki

daman hi nahin aaj sarapa hai darida

sau zaKHm uThae hain jo ek bar nazar ki

ye zaKHm hua misr ke bazar ka yusuf

qimat na paDegi yahan kuchh arz-e-hunar ki

is peD ka ai sang-zano phal to uThao

ab bhi pas-e-diwar hai raunaq mere ghar ki

tum raat ki ghambir siyahi mein ghule ho

kab phul khilae kahin taid-e-sahar ki

raunaq bhi gai dil ka bharam bhi gaya 'sarmad'

ab to yahan Dasti hui wahshat hai khanDar ki