kuchh aisa ho gaya hai yar apna
kuchh aisā ho gayā hai yaar apnā
gila bantā hai ab bekār apnā
pas-e-parda bahut be-pardagī hai
bahut bezār hai kirdār apnā
ḳharābe meñ kise apnī ḳhabar hai
agarche kar liyā inkār apnā
dar-o-dīvār se jhaḌtī hai hairat
kahāñ le jā.ūñ maiñ āzār apnā
vafūr-e-nashsha-e-laġhzish ke baa.is
huā hai rāsta hamvār apnā
patiñge gher laatā huuñ kahīñ se
diye kī lau se jo hai pyaar apnā
'razā' ye phuul hone kī tamannā
kisī kī saañs par hai baar apnā
kuchh aisa ho gaya hai yar apna
gila banta hai ab bekar apna
pas-e-parda bahut be-pardagi hai
bahut bezar hai kirdar apna
KHarabe mein kise apni KHabar hai
agarche kar liya inkar apna
dar-o-diwar se jhaDti hai hairat
kahan le jaun main aazar apna
wafur-e-nashsha-e-laghzish ke bais
hua hai rasta hamwar apna
patinge gher lata hun kahin se
diye ki lau se jo hai pyar apna
'raza' ye phul hone ki tamanna
kisi ki sans par hai bar apna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
