kuchh aise ishq ka wo karobar karta tha

kuchh aise 'ishq kā vo kārobār kartā thā

jafā.eñ naqd vafā.eñ udhār kartā thā

kahāñ badan pe kabhī koī vaar kartā thā

ajab shikārī thā dil kā shikār kartā thā

phir ek roz qazā mere paas se guzrī

maiñ zindagī kā bahut e'tibār kartā thā

usī meñ lazzat-e-hijr-o-visāl sab kuchh thā

vo ek pal jo mujhe sogvār kartā thā

samajh liyā thā rafūgar jise mohabbat kā

qabā-e-‘ishq vahī tār-tār kartā thā

mirī hī 'aql se letā thā mashvare sab 'ishq

mirā junūñ hī mujhe hoshiyār kartā thā

kuchh aise 'ishq ka wo karobar karta tha

jafaen naqd wafaen udhaar karta tha

kahan badan pe kabhi koi war karta tha

ajab shikari tha dil ka shikar karta tha

phir ek roz qaza mere pas se guzri

main zindagi ka bahut e'tibar karta tha

usi mein lazzat-e-hijr-o-visal sab kuchh tha

wo ek pal jo mujhe sogwar karta tha

samajh liya tha rafugar jise mohabbat ka

qaba-e-‘ishq wahi tar-tar karta tha

meri hi 'aql se leta tha mashware sab 'ishq

mera junun hi mujhe hoshiyar karta tha