kuchh aur lag rahi hai ye tumhein KHaton ki baat

kuchh aur lag rahī hai ye tumheñ ḳhatoñ kī baat

agarche jhuuT nahīñ thī mohabbatoñ kī baat

mohabbatoñ meñ zarūrat ke rañg shāmil the

khulā ye raaz ki hai saarī hausloñ kī baat

na jaane kaun sā ehsās us ko bhāyā hai

hujūm-e-shahr meñ laayā hai bekasoñ kī baat

mahak rahe haiñ dar-o-bām terī ḳhushbū se

ki ashk āñkhoñ meñ haiñ aur rāhatoñ kī baat

mujhe batā.e ga.e saare chāhatoñ ke alam

jalā jalā ke sunā.eñge rāstoñ kī baat

mire ḳhayāl meñ pinhāñ kisī kī socheñ haiñ

khulā ye raaz ki hai saarī ā.inoñ kī baat

ye dil ajiib musāfir DaTā huā hai abhī

thake thake se qadam aur manziloñ kī baat

kuchh aur lag rahi hai ye tumhein KHaton ki baat

agarche jhuT nahin thi mohabbaton ki baat

mohabbaton mein zarurat ke rang shamil the

khula ye raaz ki hai sari hauslon ki baat

na jaane kaun sa ehsas us ko bhaya hai

hujum-e-shahr mein laya hai bekason ki baat

mahak rahe hain dar-o-baam teri KHushbu se

ki ashk aankhon mein hain aur rahaton ki baat

mujhe batae gae sare chahaton ke alam

jala jala ke sunaenge raston ki baat

mere KHayal mein pinhan kisi ki sochen hain

khula ye raaz ki hai sari aainon ki baat

ye dil ajib musafir DaTa hua hai abhi

thake thake se qadam aur manzilon ki baat