kuchh bhi kar pae na hum hijr ki hairani mein

kuchh bhī kar paa.e na ham hijr kī hairānī meñ

ghar bhī vīrān kiyā dil kī pareshānī meñ

rañg hī rañg haiñ bikhre hue dāman meñ mire

rach gayā hai mirī āñkhoñ kā lahū paanī meñ

jism apnā bhī mahaktā huā gulzār lagā

phir tire ġham kī havā aa.ī hai jaulānī meñ

yuuñ nigāhoñ meñ utarne lage yādoñ ke nujūm

dard bhī mahv huā ā.ina-sāmānī meñ

apne ḳhvāboñ ke tilismāt se bāhar to nikal

jism ko chhū ke kabhī dekh tū uryānī meñ

suḳhan-e-garm ke pardoñ ko girāne vaalā

chhapne paayā na kabhī apnī pashemānī meñ

ḳhalvat-e-dil ke añdheroñ meñ vo sūraj niklā

muñd ga.ī aañkh mirī ruuh kī tābānī meñ

āfiyat DhūñDne nikle the ḳhamoshī meñ 'nadīm'

ghir ga.e apnī hī āvāz kī tuġhyānī meñ

kuchh bhi kar pae na hum hijr ki hairani mein

ghar bhi viran kiya dil ki pareshani mein

rang hi rang hain bikhre hue daman mein mere

rach gaya hai meri aankhon ka lahu pani mein

jism apna bhi mahakta hua gulzar laga

phir tere gham ki hawa aai hai jaulani mein

yun nigahon mein utarne lage yaadon ke nujum

dard bhi mahw hua aaina-samani mein

apne KHwabon ke tilismat se bahar to nikal

jism ko chhu ke kabhi dekh tu uryani mein

suKHan-e-garm ke pardon ko girane wala

chhapne paya na kabhi apni pashemani mein

KHalwat-e-dil ke andheron mein wo suraj nikla

mund gai aankh meri ruh ki tabani mein

aafiyat DhunDne nikle the KHamoshi mein 'nadim'

ghir gae apni hi aawaz ki tughyani mein