kuchh bhi na ab kahenge qafas mein zaban se hum

kuchh bhī na ab kaheñge qafas meñ zabāñ se ham

sayyād ko rulā.enge āh-o-fuġhāñ se ham

māyūsiyoñ ke shahr meñ lagtā nahīñ hai dil

le jaa.eñ apne dil ko kahāñ is jahāñ se ham

gulshan jahāñ jahāñ haiñ vahīñ bijliyāñ bhī haiñ

jaa.eñ nikal ke duur kahāñ āsmāñ se ham

imshab mizāj-e-yār meñ kuchh barhamī sī hai

guzre haiñ baar baar isī imtihāñ se ham

dete rahe fareb mohabbat ke rāste

pahuñche haiñ phir vahīñ ki chale the jahāñ se ham

vo le ga.e haiñ chāñd-sitāroñ kī raushnī

kahte rahe fasāna-e-ġham āsmāñ se ham

ḳhairāt-e-husn kāsa-e-'rizvī' meñ Daal de

kuchh le ke hī uTheñge tire āstāñ se ham

kuchh bhi na ab kahenge qafas mein zaban se hum

sayyaad ko rulaenge aah-o-fughan se hum

mayusiyon ke shahr mein lagta nahin hai dil

le jaen apne dil ko kahan is jahan se hum

gulshan jahan jahan hain wahin bijliyan bhi hain

jaen nikal ke dur kahan aasman se hum

imshab mizaj-e-yar mein kuchh barhami si hai

guzre hain bar bar isi imtihan se hum

dete rahe fareb mohabbat ke raste

pahunche hain phir wahin ki chale the jahan se hum

wo le gae hain chand-sitaron ki raushni

kahte rahe fasana-e-gham aasman se hum

KHairaat-e-husn kasa-e-'rizwi' mein Dal de

kuchh le ke hi uThenge tere aastan se hum