kuchh bhi nahin hai kya pas-e-diwar dekhna

kuchh bhī nahīñ hai kyā pas-e-dīvār dekhnā

saa.e ko Dūbte hue har baar dekhnā

aurat huuñ merī maañ ne sikhāyā ki umr bhar

ā.īna ban ke ā.ina-bardār dekhnā

ye soch kar hī maiñ ne jalāyā nahīñ charāġh

kyā raushnī ko barsar-e-paikār dekhnā

maiñ to charāġh-e-shab thī chalo bujh ga.ī magar

tum to sahar ke ḳhair se āsār dekhnā

jab e'tibār-e-dīda-e-dil uTh gayā to phir

kyā rah gayā hai yār-e-tarah-dār dekhnā

'zaryāb' kyā ḳharīdne niklī ho dhuup meñ

kyā garmiyoñ meñ garmī-e-bāzār dekhnā

kuchh bhi nahin hai kya pas-e-diwar dekhna

sae ko Dubte hue har bar dekhna

aurat hun meri man ne sikhaya ki umr bhar

aaina ban ke aaina-bardar dekhna

ye soch kar hi main ne jalaya nahin charagh

kya raushni ko barsar-e-paikar dekhna

main to charagh-e-shab thi chalo bujh gai magar

tum to sahar ke KHair se aasar dekhna

jab e'tibar-e-dida-e-dil uTh gaya to phir

kya rah gaya hai yar-e-tarah-dar dekhna

'zaryab' kya KHaridne nikli ho dhup mein

kya garmiyon mein garmi-e-bazar dekhna