kuchh der uski lash pe rona kiya tha bas

kuchh der us kī laash pe ronā kiyā thā bas

ik phuul man ke baaġh kā murjhā chukā thā bas

jo saarī kā.enāt meñ apnā rafīq thā

mere liye malūl vo harf-e-duā thā bas

jab merā saath chhoḌ ga.e mere apne log

be-shakl sā ḳhayāl mirā ham-navā thā bas

duniyā agar udaas hai tum kyoñ udaas ho

ye ik savāl aañkh ko chhalkā gayā thā bas

har shaḳhs apne aap se chhupne kī dhun meñ thā

is shahr par 'duā' koī saayā huā thā bas

kuchh der us ki lash pe rona kiya tha bas

ek phul man ke bagh ka murjha chuka tha bas

jo sari kaenat mein apna rafiq tha

mere liye malul wo harf-e-dua tha bas

jab mera sath chhoD gae mere apne log

be-shakl sa KHayal mera ham-nawa tha bas

duniya agar udas hai tum kyon udas ho

ye ek sawal aankh ko chhalka gaya tha bas

har shaKHs apne aap se chhupne ki dhun mein tha

is shahr par 'dua' koi saya hua tha bas