kuchh din tera KHayal teri aarzu rahi

kuchh din tirā ḳhayāl tirī aarzū rahī

phir saarī umr apnī hameñ justujū rahī

kyā kyā na ḳhvāb jāgtī āñkhoñ meñ the magar

ai dil kī lahr raat kahāñ jaane tū rahī

jaao phir un ko jā ke samundar meñ pheñk do

ab sachche motiyoñ kī kahāñ aabrū rahī

muḌ muḌ ke baar baar pukārā use magar

āvāz-e-bāzgasht hī bas chaar sū rahī

halke se ik sukūt ke parde ke bāvajūd

us kam-suḳhan se raat baḌī guftugū rahī

muñh moḌ ke vo ham se chalā to gayā magar

is ko bhī umr bhar ḳhalish-e-lucknow rahī

'vālī'! tumheñ navāz rahā hai vo har tarah

tum ko bhī us kī fikr va-lekin kabhū rahī

kuchh din tera KHayal teri aarzu rahi

phir sari umr apni hamein justuju rahi

kya kya na KHwab jagti aankhon mein the magar

ai dil ki lahr raat kahan jaane tu rahi

jao phir un ko ja ke samundar mein phenk do

ab sachche motiyon ki kahan aabru rahi

muD muD ke bar bar pukara use magar

aawaz-e-bazgasht hi bas chaar su rahi

halke se ek sukut ke parde ke bawajud

us kam-suKHan se raat baDi guftugu rahi

munh moD ke wo hum se chala to gaya magar

is ko bhi umr bhar KHalish-e-lucknow rahi

'wali'! tumhein nawaz raha hai wo har tarah

tum ko bhi us ki fikr wa-lekin kabhu rahi