kuchh hain manzar haal ke kuchh KHwab mustaqbil ke hain

kuchh haiñ manzar haal ke kuchh ḳhvāb mustaqbil ke haiñ

ye tamannā aañkh kī hai vo taqāze dil ke haiñ

ham ne ye nairañgiyāñ bhī dahr kī dekhīñ ki log

dost haiñ maqtūl ke aur ham-navā qātil ke haiñ

'umr saarī raah ke patthar haTāte kaT ga.ī

zaḳhm mere haath meñ ik sa'i-e-lā-hāsil ke haiñ

ik dhanak lahrā rahī hai āñsuoñ ke darmiyāñ

merī āñkhoñ meñ abhī tak rañg us mahfil ke haiñ

is se aage kaun jaa.e dasht-e-nā-mālūm meñ

ham na kahte the ki saare ham-safar manzil ke haiñ

in ko tūfānoñ se kyā matlab bhañvar se kyā ġharaz

dost jitne haiñ tamāshā.ī faqat sāhil ke haiñ

tū jise apnā samajhtā hai vo māl-e-ġhair hai

tere hāthoñ meñ jo sikke haiñ kisī saa.il ke haiñ

jāñchtī hai ġhair ko har lahza chashm-e-aib-jū

naqsh mujh meñ jitne haiñ saare kisī kāmil ke haiñ

kuchh hain manzar haal ke kuchh KHwab mustaqbil ke hain

ye tamanna aankh ki hai wo taqaze dil ke hain

hum ne ye nairangiyan bhi dahr ki dekhin ki log

dost hain maqtul ke aur ham-nawa qatil ke hain

'umr sari rah ke patthar haTate kaT gai

zaKHm mere hath mein ek sa'i-e-la-hasil ke hain

ek dhanak lahra rahi hai aansuon ke darmiyan

meri aankhon mein abhi tak rang us mahfil ke hain

is se aage kaun jae dasht-e-na-malum mein

hum na kahte the ki sare ham-safar manzil ke hain

in ko tufanon se kya matlab bhanwar se kya gharaz

dost jitne hain tamashai faqat sahil ke hain

tu jise apna samajhta hai wo mal-e-ghair hai

tere hathon mein jo sikke hain kisi sail ke hain

jaanchti hai ghair ko har lahza chashm-e-aib-ju

naqsh mujh mein jitne hain sare kisi kaamil ke hain