kuchh humse zulmat-e-shab-e-hijran na puchhiye

kuchh ham se zulmat-e-shab-e-hijrāñ na pūchhiye

zaḳhmī diloñ se dard kā unvāñ na pūchhiye

ye naaz ye ġhurūr ye sho.ala-sifat mizāj

kis ḳhaak se banā hai ye insāñ na pūchhiye

hai mausam-e-ḳhizāñ kā tasallut har ek sū

kaise manā.eñ jashn-e-bahārāñ na pūchhiye

ā.īna le ke dekhiye ḳhud apne surḳh lab

hotā hai kaisā la.al-e-badaḳhshāñ na pūchhiye

kyā huuñ kahāñ huuñ kuchh bhī nahīñ hai mujhe ḳhabar

bas ālam-e-tasavvur-e-jānāñ na pūchhiye

jo āshnā-e-rāz-e-gul-o-yāsman na ho

us be-ḳhabar se hāl-e-gulistāñ na pūchhiye

ka.aba gayā kalīsā gayā mai-kada gayā

us bevafā kī diid kā armāñ na pūchhiye

'anjum' nashāt-o-aish meñ guzrī mirī hayāt

ab mujh se merā hāl-e-pareshāñ na pūchhiye

kuchh hum se zulmat-e-shab-e-hijran na puchhiye

zaKHmi dilon se dard ka unwan na puchhiye

ye naz ye ghurur ye shoala-sifat mizaj

kis KHak se bana hai ye insan na puchhiye

hai mausam-e-KHizan ka tasallut har ek su

kaise manaen jashn-e-bahaaran na puchhiye

aaina le ke dekhiye KHud apne surKH lab

hota hai kaisa lal-e-badaKHshan na puchhiye

kya hun kahan hun kuchh bhi nahin hai mujhe KHabar

bas aalam-e-tasawwur-e-jaanan na puchhiye

jo aashna-e-raaz-e-gul-o-yasman na ho

us be-KHabar se haal-e-gulistan na puchhiye

kaba gaya kalisa gaya mai-kada gaya

us bewafa ki did ka arman na puchhiye

'anjum' nashat-o-aish mein guzri meri hayat

ab mujh se mera haal-e-pareshan na puchhiye