kuchh hansi-khel chah hoti hai

kuchh hañsī-khel chaah hotī hai

saḳht mushkil nibāh hotī hai

jis pe kāfir nigāh hotī hai

us kī duniyā tabāh hotī hai

shoḳh kitnī nigāh hotī hai

le ke dil uzr-ḳhvāh hotī hai

husn-e-ḳhāna-ḳharāb yaad rahe

dil kī bastī tabāh hotī hai

jis se hotī hai sharh-e-soz-e-jigar

muḳhtasar sī ik aah hotī hai

dil-e-pur-shauq dekh kar bole

aisī bastī bhī vaah hotī hai

ham ko bhī ai nasīm ai shabnam

hasrat-e-ashk-o-āh hotī hai

jis se hotī hai chashm-e-dil raushan

vo tirī gard-e-rāh hotī hai

haañ dil-e-be-qarār kī qīmat

husn kī ik nigāh hotī hai

tai jo hotī hai teġh-e-qātil se

vahī jannat kī raah hotī hai

ishq meñ jaan dī hai 'muztar' ne

har taraf vāh-vāh hotī hai

kuchh hansi-khel chah hoti hai

saKHt mushkil nibah hoti hai

jis pe kafir nigah hoti hai

us ki duniya tabah hoti hai

shoKH kitni nigah hoti hai

le ke dil uzr-KHwah hoti hai

husn-e-KHana-KHarab yaad rahe

dil ki basti tabah hoti hai

jis se hoti hai sharh-e-soz-e-jigar

muKHtasar si ek aah hoti hai

dil-e-pur-shauq dekh kar bole

aisi basti bhi wah hoti hai

hum ko bhi ai nasim ai shabnam

hasrat-e-ashk-o-ah hoti hai

jis se hoti hai chashm-e-dil raushan

wo teri gard-e-rah hoti hai

han dil-e-be-qarar ki qimat

husn ki ek nigah hoti hai

tai jo hoti hai tegh-e-qatil se

wahi jannat ki rah hoti hai

ishq mein jaan di hai 'muztar' ne

har taraf wah-wah hoti hai