kuchh haram mein kuchh sanam-KHanon mein diwane gae

kuchh haram meñ kuchh sanam-ḳhānoñ meñ dīvāne ga.e

hosh the jin ke salāmat bas vo mai-ḳhāne ga.e

jaane kyā guzrī ki bāhar ghar ke aa jaane ke baa'd

phir kisī sūrat palaT kar ghar na dīvāne ga.e

ghaTte ghaTte ghaT gayā hai is qadar me.ār-e-zīst

the nazar meñ jitne bhī jiine ke paimāne ga.e

kaT nahīñ paa.ī kisī sūrat bhī dīvānoñ kī baat

aa.e ḳhud bahke hue jo un ko bahkāne ga.e

phir vahī kunj-e-qafas thā ham the aur tanhā.iyāñ

bas lahad tak saath saare apne begāne ga.e

bastiyoñ meñ thī vo vīrānī ki bā-hāl-e-tabāh

chhoḌ kar sab kuchh basāne log vīrāne ga.e

un ke jaate hī jahān-e-zīst barham ho gayā

sham' ke hote hī gul mahfil se parvāne ga.e

muddatoñ baa'd aa.ina dekhā to 'shākir' kyā batā.eñ

aaj apne aap se bhī ham na pahchāne ga.e

kuchh haram mein kuchh sanam-KHanon mein diwane gae

hosh the jin ke salamat bas wo mai-KHane gae

jaane kya guzri ki bahar ghar ke aa jaane ke ba'd

phir kisi surat palaT kar ghar na diwane gae

ghaTte ghaTte ghaT gaya hai is qadar mear-e-zist

the nazar mein jitne bhi jine ke paimane gae

kaT nahin pai kisi surat bhi diwanon ki baat

aae KHud bahke hue jo un ko bahkane gae

phir wahi kunj-e-qafas tha hum the aur tanhaiyan

bas lahad tak sath sare apne begane gae

bastiyon mein thi wo virani ki ba-haal-e-tabah

chhoD kar sab kuchh basane log virane gae

un ke jate hi jahan-e-zist barham ho gaya

sham' ke hote hi gul mahfil se parwane gae

muddaton ba'd aaina dekha to 'shakir' kya bataen

aaj apne aap se bhi hum na pahchane gae