kuchh is liye hi tujhse bichhaD kar ghami nahin

kuchh is liye hī tujh se bichhaḌ kar ġhamī nahīñ

tujh pe hamārī aañkh kī rangat khulī nahīñ

TuuTe diloñ ko aasrā detā huuñ shauq se

mujh sā tamām dasht meñ koī ġhanī nahīñ

kuchh roz mujh ko zaḳhm-e-jigar se najāt de

filhāl mujh ko dard kī koī kamī nahīñ

varna to ik hujūm ko dekhā hai girya-zār

ye maiñ hī huuñ ki jis ko ġham-e-zindagī nahīñ

jaise maiñ chāhtā huuñ tirī zaat ke liye

is tarz se ye bazm abhī tak sajī nahīñ

ḳhud ko hī joḌtā huuñ ki ab hai baqā yahī

tujh se to ḳhair ḳhair kī kuchh aas bhī nahīñ

'jāmī' tamām umr tirā mubtalā rahā

mujh ko baġhaur dekh batā kyā vahī nahīñ

kuchh is liye hi tujh se bichhaD kar ghami nahin

tujh pe hamari aankh ki rangat khuli nahin

TuTe dilon ko aasra deta hun shauq se

mujh sa tamam dasht mein koi ghani nahin

kuchh roz mujh ko zaKHm-e-jigar se najat de

filhaal mujh ko dard ki koi kami nahin

warna to ek hujum ko dekha hai girya-zar

ye main hi hun ki jis ko gham-e-zindagi nahin

jaise main chahta hun teri zat ke liye

is tarz se ye bazm abhi tak saji nahin

KHud ko hi joDta hun ki ab hai baqa yahi

tujh se to KHair KHair ki kuchh aas bhi nahin

'jami' tamam umr tera mubtala raha

mujh ko baghaur dekh bata kya wahi nahin