kuchh is tarah se nizam-exgul-o-bahaar chale

kuchh is tarah se nizām-exgul-o-bahār chale

ki e.atibār-e-mohabbat kā kārobār chale

nisār dil ko to pahle hī kar chuke the ham

bas ek jaan thī vo aaj tujh pe vaar chale

huā na aaj bhī hāsil hameñ tirā dīdār

ham aaj bhī tire kūche se ashk-bār chale

sukūñ yahāñ bhī mayassar na ho sakā dil ko

tumhārī bazm meñ aa kar bhī be-qarār chale

dil-o-nigāh haiñ ik mast-e-nāz ke bas meñ

dil-o-nigāh pe ab kis kā iḳhtiyār chale

raheñge ham shajar-e-sāya-dār kī sūrat

riyāz-e-dahr meñ bād-e-ḳhizāñ hazār chale

ḳhizāñ-sifat tirī mahfil meñ aa.e the lekin

ham anjuman se tirī sūrat-e-bahār chale

chale 'azīm' kuchh is tarah bazm se uTh kar

ki jaise shahr-e-nigārāñ se shahryār chale

kuchh is tarah se nizam-exgul-o-bahaar chale

ki eatibar-e-mohabbat ka karobar chale

nisar dil ko to pahle hi kar chuke the hum

bas ek jaan thi wo aaj tujh pe war chale

hua na aaj bhi hasil hamein tera didar

hum aaj bhi tere kuche se ashk-bar chale

sukun yahan bhi mayassar na ho saka dil ko

tumhaari bazm mein aa kar bhi be-qarar chale

dil-o-nigah hain ek mast-e-naz ke bas mein

dil-o-nigah pe ab kis ka iKHtiyar chale

rahenge hum shajar-e-saya-dar ki surat

riyaz-e-dahr mein baad-e-KHizan hazar chale

KHizan-sifat teri mahfil mein aae the lekin

hum anjuman se teri surat-e-bahaar chale

chale 'azim' kuchh is tarah bazm se uTh kar

ki jaise shahr-e-nigaran se shahryar chale