kuchh is tarah se wo mere nazdik aa raha tha

kuchh is tarah se vo mere nazdīk aa rahā thā

diye kī lau bujh rahī thī maiñ jaltā jā rahā thā

vo ruk gayā jab sabaq kā unvān-e-ishq aayā

jo zindagī kā nisāb mujh ko paḌhā rahā thā

maiñ ab ke andar se kar rahā thā badan ko chhalnī

so bas tasavvur meñ us kā mātam manā rahā thā

phir ek din ḳhuun ban ke āñkhoñ se chīḳh niklī

maiñ apnī āvāz jaane kab se dabā rahā thā

maiñ apnī āñkhoñ se sun rahā thā vo ik kahānī

vo ik kahānī jo us kā chehra sunā rahā thā

maiñ apne chehroñ se ḳhud bhī hairān sā huuñ 'tāriq'

vo mere andar se itne parde uThā rahā thā

kuchh is tarah se wo mere nazdik aa raha tha

diye ki lau bujh rahi thi main jalta ja raha tha

wo ruk gaya jab sabaq ka unwan-e-ishq aaya

jo zindagi ka nisab mujh ko paDha raha tha

main ab ke andar se kar raha tha badan ko chhalni

so bas tasawwur mein us ka matam mana raha tha

phir ek din KHun ban ke aankhon se chiKH nikli

main apni aawaz jaane kab se daba raha tha

main apni aankhon se sun raha tha wo ek kahani

wo ek kahani jo us ka chehra suna raha tha

main apne chehron se KHud bhi hairan sa hun 'tariq'

wo mere andar se itne parde uTha raha tha