kuchh mera bhi charcha hai taqdir ke maron mein

kuchh merā bhī charchā hai taqdīr ke māroñ meñ

TuuTā huā taarā huuñ pur-nūr sitāroñ meñ

rangīn nazāroñ se vahshat hai mire dil ko

maiñ kaise chalā jā.ūñ gulshan kī bahāroñ meñ

rahtā huuñ maiñ sahrā meñ bastī se judā ho kar

DhūñDo na mujhe yaaro tum shoḳh nazāroñ meñ

maiñ kaise rahūñ zinda girdāb kī bāñhoñ meñ

miltī hai amaañ kis ko tūfān ke dhāroñ meñ

ye log luTere haiñ lūTeñge mere dil ko

milte haiñ kahāñ muḳhlis in hirs ke māroñ meñ

kāñdhoñ pe uThā lenā tābūt-e-mohabbat ko

mujh ko bhī sajā denā chāhat ke mazāroñ meñ

maiñ 'āshnā' vāqif huuñ hālāt-e-gulistāñ se

jazbāt kī garmī hai phūloñ meñ na ḳhāroñ meñ

kuchh mera bhi charcha hai taqdir ke maron mein

TuTa hua tara hun pur-nur sitaron mein

rangin nazaron se wahshat hai mere dil ko

main kaise chala jaun gulshan ki bahaaron mein

rahta hun main sahra mein basti se juda ho kar

DhunDo na mujhe yaro tum shoKH nazaron mein

main kaise rahun zinda girdab ki banhon mein

milti hai aman kis ko tufan ke dhaaron mein

ye log luTere hain luTenge mere dil ko

milte hain kahan muKHlis in hirs ke maron mein

kandhon pe uTha lena tabut-e-mohabbat ko

mujh ko bhi saja dena chahat ke mazaron mein

main 'ashna' waqif hun haalat-e-gulistan se

jazbaat ki garmi hai phulon mein na KHaron mein