kuchh mukaddar sa sar-e-baalin tujhe pata hun main

kuchh mukaddar sā sar-e-bālīñ tujhe paatā huuñ maiñ

le charāġh-e-sub.h se pahle bujhā jaatā huuñ maiñ

kushta-e-ġham ko dam-e-īsā to zinda kar chukā

lījiye ab un ke dāman kī havā laatā huuñ maiñ

jis qadar pāmāl karte haiñ vo rāh-e-ishq meñ

sūrat-e-naqsh-e-kaf-e-pā aur ubhar aatā huuñ maiñ

sham.a ne khīñche vo tasvīr-e-ma.āl-e-zindagī

har nasīm-e-sub.h ke jhoñke pe tharrātā huuñ maiñ

mai-kada bilkul haqīqat hai haram sirf e'tiqād

mohtasib ab dekhnā ye hai kidhar jaatā huuñ maiñ

sub.h-dam kuchh is tarah dil gosh-bar-āvāz thā

jab kisī ġhunche ne chuTkī lī kahā aatā huuñ maiñ

ab ḳhudā ma.alūm dil hai kis maqām-e-ishq par

vo jafāoñ par jafā karte haiñ sharmātā huuñ maiñ

dekhiye kab ho mayassar ishrat-e-sāhil mujhe

zindagī ik qulzum-e-ġham hai bahā jaatā huuñ maiñ

mohtasib ḳhauf-e-shikast-e-sāġhar-e-rangīñ na pūchh

jab koī ġhuncha chaTaktā hai laraz jaatā huuñ maiñ

kushtagān-e-yās ko ai 'faiz' paiġhām-e-hayāt

barbat-e-dil par ba-tarz-e-nau ġhazal gaatā huuñ maiñ

kuchh mukaddar sa sar-e-baalin tujhe pata hun main

le charagh-e-subh se pahle bujha jata hun main

kushta-e-gham ko dam-e-isa to zinda kar chuka

lijiye ab un ke daman ki hawa lata hun main

jis qadar pamal karte hain wo rah-e-ishq mein

surat-e-naqsh-e-kaf-e-pa aur ubhar aata hun main

shama ne khinche wo taswir-e-maal-e-zindagi

har nasim-e-subh ke jhonke pe tharraata hun main

mai-kada bilkul haqiqat hai haram sirf e'tiqad

mohtasib ab dekhna ye hai kidhar jata hun main

subh-dam kuchh is tarah dil gosh-bar-awaz tha

jab kisi ghunche ne chuTki li kaha aata hun main

ab KHuda malum dil hai kis maqam-e-ishq par

wo jafaon par jafa karte hain sharmata hun main

dekhiye kab ho mayassar ishrat-e-sahil mujhe

zindagi ek qulzum-e-gham hai baha jata hun main

mohtasib KHauf-e-shikast-e-saghar-e-rangin na puchh

jab koi ghuncha chaTakta hai laraz jata hun main

kushtagan-e-yas ko ai 'faiz' paigham-e-hayat

barbat-e-dil par ba-tarz-e-nau ghazal gata hun main