kuchh na kiya arbab-e-junun ne phir bhi itna kaam kiya

kuchh na kiyā arbāb-e-junūñ ne phir bhī itnā kaam kiyā

dār-ba-dār uftād se khele zulf-ba-zulf ārām kiyā

sāvan sho.ale bhaḌke gulshan gulshan aag lagī

kaisā sūraj ubhrā jis ne sub.h ko ātish-nām kiyā

tanhā.ī bhī sannāTe bhī dil ko Daste jaate haiñ

rahgīro kis des meñ aa kar ham ne aaj qayām kiyā

qarya-e-gul se dasht-e-balā tak ahl-e-havas kī yūrish thī

kuchh to samajh kar dīvānoñ ne tark-e-jāda-e-ām kiyā

raat ke hāthoñ kab tak rahtā shahr-e-nigārāñ tīra-o-tār

apne lahū se ham ne charāġhāñ āḳhir gām-ba-gām kiyā

aish bhī guzre rañj bhī guzre dil kī hālat ek rahī

kab jashn-e-āġhāz manāyā kab ḳhauf-e-anjām kiyā

'mīr' ke gyānī lākhoñ dekhe 'mīr' sī kis meñ baat 'urūj'

merī biitī aap ne kah leñ ḳhud ko abas badnām kiyā

kuchh na kiya arbab-e-junun ne phir bhi itna kaam kiya

dar-ba-dar uftad se khele zulf-ba-zulf aaram kiya

sawan shoale bhaDke gulshan gulshan aag lagi

kaisa suraj ubhra jis ne subh ko aatish-nam kiya

tanhai bhi sannaTe bhi dil ko Daste jate hain

rahgiro kis des mein aa kar hum ne aaj qayam kiya

qarya-e-gul se dasht-e-bala tak ahl-e-hawas ki yurish thi

kuchh to samajh kar diwanon ne tark-e-jada-e-am kiya

raat ke hathon kab tak rahta shahr-e-nigaran tira-o-tar

apne lahu se hum ne charaghan aaKHir gam-ba-gam kiya

aish bhi guzre ranj bhi guzre dil ki haalat ek rahi

kab jashn-e-aghaz manaya kab KHauf-e-anjam kiya

'mir' ke gyani lakhon dekhe 'mir' si kis mein baat 'uruj'

meri biti aap ne kah len KHud ko abas badnam kiya