kuchh nahin likkha hua phir bhi paDha jata hai kya

kuchh nahīñ likkhā huā phir bhī paḌhā jaatā hai kyā

aisī nā-maujūd ko duniyā kahā jaatā hai kyā

ham-suḳhan tere muḳhātab kā patā kaise karūñ

bolnā thā kyā tujhe aur boltā jaatā hai kyā

ek darvāza aur andar duur tak koī nahīñ

aate jaate jhāñk lene se tirā jaatā hai kyā

is añdhere meñ paḌe ik shaḳhs ko dekhā kabhī

paañv se Takrā.e to bāñhoñ meñ aa jaatā hai kyā

ham idhar haiñ hashr uThā dete haiñ jab uThtī hai lahr

tum udhar ho haath uThā do sab sunā jaatā hai kyā

maiñ ki terā tīsrā ġham huuñ so ye ġham bhī to kar

tū ki bas hone na hone par marā jaatā hai kyā

kuchh nahin likkha hua phir bhi paDha jata hai kya

aisi na-maujud ko duniya kaha jata hai kya

ham-suKHan tere muKHatab ka pata kaise karun

bolna tha kya tujhe aur bolta jata hai kya

ek darwaza aur andar dur tak koi nahin

aate jate jhank lene se tera jata hai kya

is andhere mein paDe ek shaKHs ko dekha kabhi

panw se Takrae to banhon mein aa jata hai kya

hum idhar hain hashr uTha dete hain jab uThti hai lahr

tum udhar ho hath uTha do sab suna jata hai kya

main ki tera tisra gham hun so ye gham bhi to kar

tu ki bas hone na hone par mara jata hai kya