kuchh nazar aata nahin hai dekhne par

kuchh nazar aatā nahīñ hai dekhne par

ruk ga.e haiñ aa kar aise rāste par

kuchh bhī ho saktā hai lekin ghar nahīñ hai

chīḳhte hoñ sab jahāñ ik dūsre par

aa gayā hai us ke dil meñ aur koī

par gila ye hai batāyā pūchhne par

in daraḳhtoñ se yahī sīkhā hai ham ne

aah bhī bharte nahīñ haiñ TūTne par

itnī ujlat meñ bhare haiñ zaḳhm mere

ab vo yaad aatā hai kaafī sochne par

phir usī meñ ho ga.e shāmil vahī jo

pahle patthar pheñkte the qāfile par

ek us ko hī pata thī merī aadat

vo nahīñ hañstā thā mere qahqahe par

aur huā bhī Thiik vo hī jis kā Dar thā

bojh itnā rakh diyā thā bulbule par

kuchh nazar aata nahin hai dekhne par

ruk gae hain aa kar aise raste par

kuchh bhi ho sakta hai lekin ghar nahin hai

chiKHte hon sab jahan ek dusre par

aa gaya hai us ke dil mein aur koi

par gila ye hai bataya puchhne par

in daraKHton se yahi sikha hai hum ne

aah bhi bharte nahin hain TuTne par

itni ujlat mein bhare hain zaKHm mere

ab wo yaad aata hai kafi sochne par

phir usi mein ho gae shamil wahi jo

pahle patthar phenkte the qafile par

ek us ko hi pata thi meri aadat

wo nahin hansta tha mere qahqahe par

aur hua bhi Thik wo hi jis ka Dar tha

bojh itna rakh diya tha bulbule par